Անկախություն

Փաստաբանն իրավական հարցերով անկախ պրոֆեսիոնալ խորհրդատու է: Անկախությունը փաստաբանական մասնագիտության հիմնադիր սկզբունքն է' նախատեսված ՀՀ «Փաստաբանության մասին» օրենքով: Փաստաբանը պարտավոր է խուսափել իր անկախության նկատմամբ ցանկացած ոտնձգությունից և պետք է պահպանի էթիկայի կանոնները: Այդ սկզբունքով է առաջնորդվում «Ձեր Իրավախորհրդատու» փաստաբանական գրասենյակը: Հաճախորդի հանձնարարությունների կատարման ժամանակ մեր գլխավոր պարտականությունը շահերի բախման բացառումն է: Այդ կանոնի պահպանումը երաշխավորում է մեր կարծիքի անկողմնակալությունն ու անկախությունն այն հարցերի վերաբերյալ, որոնցով մեզ դիմել է վստահորդը:

Պրոֆեսիոնալիզմ

Իրավական ծառայությունների բարձր որակը մեր գործունեության հիմնական սկզբունքն է: Մեր ընկերության փաստաբանները, խորհրդատուները և իրավաբաններն ավարտել են Հայաստանի և այլ երկրների առաջատար բուհեր: Մենք ապահովում ենք մեր մասնագետների մասնագիտական զարգացումը: Մեր գրասենյակի աշխատակիցները անցնում են որակավորման բարձրացման կանոնավոր դասընթացներ, ստաժավորվում են Հայաստանում և արտերկրում, զբաղվում են գիտական գործունեությամբ: Մեր մասնագետների գիտելիքներն ու փորձը թույլ են տալիս ընկերությանն արդյունավետորեն ներկայացնել վստահորդների շահերը ցանկացած իրավական հարցերով և արագ ու որակյալ լուծել մեր հաճախորդների առջև ծագած իրավական բնույթի բոլոր խնդիրները:

Պատասխանատվություն

Միակ հեռանկարային դիրքորոշումն օրենքի վրա հիմնված դիրքորոշումն է: Մենք հաճախորդներին առաջարկում ենք օրենք: Օրենք և դրա որակյալ մեկնաբանություն: Մենք բացարձակ անկեղծ ենք մեր հաճախորդների հետ. առաջարկելով հարցի լուծման բոլոր օրինական տարբերակները' մենք տեղեկացնում ենք վստահորդին բոլոր հնարավոր վտանգների և հեռանկարների մասին' հաշվի առնելով օրենսդրության փոփոխությունների միտումները: Գիտակցելով մեր  պատասխանատվությունը վստահորդի առջև' «Ձեր Իրավախորհրդատու» փաստաբանական գրասենյակը ձգտում է ապահովել իրավաբանական ծառայությունների մատուցման ամենաբարձր ստանդարտներ:

Գաղտնիություն

Օրենքը պաշտպանում է փաստաբանական գաղտնիքը: Մասնագիտական գաղտնիքը թույլ է տալիս փաստաբանին լիովին ապահովել վստահորդի պաշտպանվելու իրավունքը: Գաղտնիության խիստ պահպանումը անհրաժեշտ պայման է, որպեսզի հաճախորդը վստահի իր փաստաբանին: Մենք հատուկ ուշադրություն ենք դարձնում այդ պարտավորության կատարմանը. Մեր գրասենյակ եկող յուրաքանչյուր աշխատակից աշխատանքային պայմանագրի հետ մեկտեղ ստորագրում է գաղտնիության մասին համաձայնություն: Ընկերությունն ուշադիր հետևում է, որպեսզի բոլոր աշխատակիցները պարտադիր պահպանեն այդ սկզբունքը:

Օպերատիվություն

Մենք  առավել ջանք ենք ներդնում մեր վստահորդների ժամանակը խնայելու համար: Ընկերության սահուն աշխատանքը, երկրագնդի տարբեր կետերում իրավաբանական ընկերությունների հետ համագործակցությունը օգնում են մեզ օպերատիվորեն լուծել խնդիրները և պաշտպանել մեր հաճախորդների շահերն այն պահին, երբ նրանք կզգան մեր օգնության կարիքը: Մենք ժամանակին տեղեկացնում ենք մեր վստահորդներին իրենց շահերին առնչվող կոնկրետ գործերի և դատավարությունների, օրենսդրության և դատական պրակտիկայի փոփոխությունների մասին:

Անհատական մոտեցում

Օրենքներում և գործարար շրջանառության սովորույթներում հաստատված ընդհանուր կանոնները չեն վերացնում անհատականությունը: Մեզ հանձնարարված յուրաքանչյուր գործ ունիկալ է: Մեզ հետաքրքիր է ստաղծագործաբար լուծել առաջադրված հանձնարարությունները' ելնելով մեր հաճախորդի գործարարության առանձնահատկություններից: Համոզված ենք, որ ցանկացած խնդրի լուծման ժամանակ անհրաժեշտ է հաշվի առնել դրա բոլոր պայմանները. առաջացած խնդրի առանձնահատկություններն ու պատմությունը, գործող անձանց, տվյալ ոլորտում հարաբերությունները կարգավորող օրենսդրության փոփոխությունների հեռանկարը և շատ այլ բաներ: Յուրաքանչյուր վստահորդի նկատմամբ անհատական մոտեցման սկզբունքը օգնում է մեզ հաջողությամբ վարել զանազան ոլորտներում գործունություն ծավալող անհատների և ընկերությունների գործերը: